რა არის ტექ-ტრეკი?

ტექ-ტრეკი მედიალაბის ტექნოლოგიური ფორუმია, რომლის მიზანია ციფრული მედიისა და ტექნოლოგიების აქტუალური საკითხების გაშუქება. წელს, 8 ნოემბერს, Hilton Garden Inn-ში ტექ-ტრეკი მეორედ გაიმართება და მისი ცენტრალური თემა იქნება: AI ეკოსისტემა და ციფრული უსაფრთხოების სტრატეგიები ხელოვნური ინტელექტის ეპოქაში.

ტექ-ტრეკის პარტნიორია სამეცნიერო კიბერუსაფრთხოების ასოციაცია.

რა შემთხვევაში დაგაინტერესებს ტექ-ტრეკი?

ტექ-ტრეკი განკუთვნილია სფეროს სპეციალისტების, IT პროფესიონალების, სტარტაპერების, სტუდენტების, აკადემიური პერსონალის და ნებისმიერი დაინტერესებული პირისთვის, ვინც ყოველდღიურად იყენებს ციფრულ სერვისებს და ზრუნავს საკუთარ მონაცემთა უსაფრთხოებაზე.

რა საკითხებს მიეძღვნება ტექ-ტრეკი?

• ციფრული უსაფრთხოების წამყვანი არქიტექტორების ექსკლუზიური შეფასებები კიბერუსაფრთხოებასა და AI-ზე

• უსაფრთხოების სტრატეგიები ყოველდღიური ციფრული ჩვევებისთვის: პრაქტიკული რჩევები

• DeepFake, მონაცემთა მოწამვლა (Poisoning) და გენერაციული AI-ის გამოწვევები: საფრთხეების დეტალური ანალიზი (The Dark Side of AI)

• თანამედროვე თავდაცვის მექანიზმების არსენალი: დიფერენციალური კონფიდენციალურობა და ფედერაციული სწავლება

რას მიიღებ ღონისძიებაში მონაწილეობით?

• ისწავლი, როგორ გაუმკლავდე ხელოვნური ინტელექტის ახალ გამოწვევებს: კონფიდენციალურობის, მონაცემთა დაცვისა და კიბერ საფრთხეების თვალსაზრისით.

• შეძლებ განსაზღვრო და შეაფასო ხელოვნური ინტელექტის საფრთხეები პრაქტიკულ დონეზე

• გაიცნობ თანამედროვე თავდაცვით მექანიზმებს, რათა მინიმუმამდე დაიყვანო მონაცემთა კონფიდენციალურობის დარღვევის რისკები

• მიიღებ სამეცნიერო კიბერუსაფრთხოების ასოციაციის მიერ გაცემულ სერტიფიკატს

როგორ უნდა მიიღო მონაწილეობა ტექ-ტრეკში?

გადადი ბმულზე და გაიარე რეგისტრაცია.

ფორუმის დღის წესრიგი და სხვა დეტალები რეგისტრაციის გავლის შემდეგ გამოგეგზავნება მეილზე.

რეგისტრაციის ბოლო ვადა: 5 ნოემბერი